URITARRA – UGAO
Lehen zatia
Bigarren taldea emaitza bolada txar batetik etortzearen presioarekin iritsi zen, baina partida hasierak jokalarien urduritasuna baretzen lagundu zuen. Nola? Gola sartzen izan zuen lehen abagunean, 3. minutuan. Hodeik erdiraketa bikaina egin zuten eta Unai Alonsok buruz errematatu zuten.
Lehen zatia ez zen oso ikusgarria izan, bi taldeek joko zuzena egin baitzuten. Etxekoak oso ondo defendatu ziren alboko erdiraketetatik eta Ugaoren geldikako jokaldietatik. Bereziki ondo aritu zen Olea goitik irteteko orduan.
Uritarra Bk ez zuen errenta handitzea lortu atsedenaldira arte. Pablok pare bat aldiz egin ahal izan zuen, baina (spoiler alert) gerorako gorde zuen gola.
1-0.
Bigarren zatia
Partida ixteko beste gol bat egin behar zutela sinetsita irten ziren zerutarrak. Pablo berak 2-0ekoa egin zuen 64. minutuan. Jokaldi pertsonal bikaina izan zen, mundu guztia driblatuz eta baloiarekin ate barrura sartuz.
Golen bat egiteko aukera izan zuen Ugaok, baina Olea, Markel eta Keparen errendimendu superlatiboaren eta azken errematean asmatu ez izanaren artean, 0 -eko markagailuarekin geratuko ziren.
Partida erritmo bizian jaitsi zen eta horrek etxekoen interesen alde egin zuen. Hori bai, arratsalde borobila errematatzeko, Landerrek bigarren taldearen hirugarren eta behin betiko gola egin zuen, langa jo ondoren golera sartu zen jaurtiketa eder batekin. GO-LA-ZO
3-0 eta lasaitasun pixka bat gure jokalarientzat. Orain Loiola Indautxuren bila.
EGURRE URI!
URITARRA B: Olea, Aitor (Lander 73′), Markel, Kepa, Xuso, Eder, Arana, Hodei (Txakar 67′), Peru (Ortu 80′), Pablo, Unai Alonso (Ibon 80′)